许廷铿自资7位数搞个唱 不惜工本坚持开足4面台

etin

歌手许廷铿（Alfred）将于12月假九展举办以唱片公司老板身份举办首个自资个人演唱会，虽暂时未能成功申请更大演出场地，但他亦继续不惜工本坚持开四面台，投资超过7位数字制作费。而个唱海报有别于以往偶像派靓仔造型，以再造纸及蜂巢包装纸制作服饰，遮掩半面，Alfred直认：“今次演唱会，大家见到嘅的确会同以往会唔同，系一个经历疫情后蜕变咗，一个真实而自由自在嘅独立歌手，系个我自己都好锺意见到嘅许廷铿，就好似张海报咁，眼神好坚定，我觉得入场睇嘅乐迷都会锺意呢个我 。”

Alfred 大谈是次演唱会的命名原因：“依家嘅我无咗大公司背景，咁样反而多咗一啲新嘅乐迷。但对一啲13年前开始追随我嘅乐迷嚟讲，我知道佢哋多多少少都会唔惯，所以都用呢2年去同大家一齐成长。其实演唱会个名《in the round》系形容其中一类雕塑，系指无依附背景、观众可以从四面八方都欣赏到嘅雕塑。真系好适合形容自己呢刻嘅状态，正正就系希望入场嘅大家，可以用自己喜欢嘅角度去感受呢个无背景嘅我，我都好期待自己嘅演出。”

日前接受网上访问，问他成为独立歌手后是否比较敢言，他说：“以前一直有好多公司同事帮手，好多事情都唔使自己处理，大家就难啲接触到我本人。依家唔同！既系歌手又系老板又系员，自己开唱片公司，所有事情要亲力亲为，就连要申请临时公众娱乐场所牌照，都系我自己揸车去交㗎！”