戴祖仪孔德贤《奖门人》玩到癫 目标唔好输得太难睇

etin

戴祖仪（Joey）与孔德贤（Danny）昨晚（4日）为无綫游戏节目《开心无敌奖门人》进行录影，在“估嘢食”环节中，Danny要蒙着眼背起队友何慈茵，试食后畀贴士对方估，孔德贤食完咸蛋再食虾酱，咸到他即时喷出来。受访时，Joey与Danny表示今次是首度上奖门人，感到紧张又兴奋，Danny称最期待玩辣辣寿包，自认吃得辣，几辣都可以，而Joey则想玩弹遮环节：“每次问啲问题都好似开心大发现咁，我好多泰文都喺呢个节目学番嚟！（你唔怕湿身？）我着咗深色衫，湿极都冇嘢睇，我哋个目标系唔好输得太难睇。”

另外，Joey刚刚跟吴若希及郑衍峰由泰国旅行返港，她大晒泰文：“叫人执吓张枱系叫Gap Gap Hi Mo。”大讲有味谐音。问到在当地有否艳遇？她笑言：“我都想，我自我感觉良好，我着咗套泰国衫，觉得自己好索，融入当地，但冇人搵我倾偈，只系叫我借一借。”她大赞泰国男生高大靓仔，扬言要到当地发展，又话对泰语很有兴趣。至于Danny刚拍完剧集《本尊就位》，瘦了10kg的他透露要实行增肥大计：“我已经约晒朋友食饭，乜都食，仲要报复式生活，有觉都唔瞓，嚟紧世界杯，紧系要搏命睇。”

同场，张振朗表示今次是第二次上奖门人：“上次第一次玩奖门人，喺咁多人面前玩游戏有啲紧张，希望今次表现好啲。（最惊系乜？）最惊玩口不对心，个口同对手唔同系好难。食嘢同湿身就唔怕，上次食指天辣，初时以为冇事，两分钟后先开始嚟料，后劲好大。”另外，提到女友杨偲泳早前到振朗家中为大嫂庆生，被指好事近，他笑言：“未，放心，大家食饭开心吓，向来都有一齐食饭。（几时计划结婚？）暂时都未有计划，工作为上，事业仲未有成。（长辈冇催婚？）家人冇催，佢哋都想我喺事业上冲刺吓先，我都仲后生。”

讲到今年振朗在工作上较静，他坦言今年只拍了一套剧，加上之前到了内地一段时间，他稍后会开拍新剧，并需要为此而操肌，问他有否留意台庆剧？他说：“我有睇，《超能使者》好好睇，所有人都做得好好，《下流上车族》入面林敏骢做得好Surprise，我都好锺意《美丽战场》阿Bob（林盛斌），佢个角色咁富贵，根本系演佢自己，我成日都叫佢做阿爸，有乜事就捐晒畀我。我想贴晒咁多套，反正唔关我事，佢哋自己打镬甘，（视帝）我贴陈山聪，好Respect佢，两个演角色都好唔同。”