张致恒孕妻被质疑唔避孕 雯雯：冇必要畀其他人管

etin

艺人张致恒（Steven）日前宣布太太雯雯第三度怀孕，同时雯雯亦因为老公而人气大增，日前佢仲同粉丝一齐玩互动，狂Send“有问必答”，当中就有网友质疑夫妇二人有欠债前科，再生小朋友会增加家庭负担，雯雯答︰“穷唔代表冇资格生仔，上天送嘅礼物，一定有佢嘅原因，穷有穷养，最紧要小朋友开心。”当被质疑点解唔避孕时，雯雯亦冷静回应：“我冇话唔重要，但我已经结咗婚签咗纸，呢种事情根本冇必要去由其他人管我哋。”不过同时亦有网民质疑Steven依家长期唔喺香港，点解雯雯仍会怀孕，点知就激起雯雯怒火：“你呢个问题，其实想带出啲咩？”之后雯雯就指自己唔系因为怀孕先同Steven和好。