无綫处境剧《爱‧回家之开心速递》深受网民喜爱,其中早前元宵节播出嘅一集,艺人麦皓儿饰演嘅“桃姐”,为偷取财物不惜假扮“桃花精”接近“根叔”刘丹,上演一段忘年恋,唔少网友都大赞麦皓儿有喜剧天分,期待佢加入剧组成为常驻角色! 佢透露其实以往都有客串演出,但今次嘅单元角色相当有发挥,好开心剧集出街后反应不俗,又指过往曾拍摄喜剧《一屋老友记》,自此激起其喜剧细胞,希望未来有较多机会拍笑片。 讲到今次与刘丹有感情戏,佢表示原来2人早有渊缘,有“小邓丽君”之称嘅佢,早喺童年表演唱歌时,已同对方有一面之缘,佢话:“其实我11岁有次喺活动独唱,丹爷就系嘉宾,嗰阵佢都有鼓励我继续表演,相隔咁多年再合作,佢都仲记得我,真系好感动。”
|