产后现身！倪晨曦嫌未够Fit 隔两年再生

etin

艺人倪晨曦（Elva）出席活动，产后成功收身的她表示倘有4、5磅“仍需努力”，不过谈到BB，她即甜笑答：“佢够3个月，主动戒咗夜奶，依家一觉瞓天光。（唔算难凑？）佢算乖嘅。（想佢叫妈妈先定爸爸先？）我哋都有各自教佢叫自己啰。（黐边个多啲？）佢未识，两个都差唔多。”她又直认自己出门工作心挂挂：“好似嗰日拍广告拍足一日，我不停喺化妆间开cam睇佢，见佢醒咗就叫BB，不过佢好似冇乜反应。（追多个？）想嘅，不过打算休息两年先，女艺人要顾及好多，减肥背后要付出好多嘢，例如做运动同认真注意饮食。（老公有乜意见？）佢冇乜所谓。”而日前她公开BB靓样，拼上自己3个月大时的BB照，囝囝获网民大赞似妈咪，她相当开心，但指小朋友样貌变化大，暂时未“定型”。​