郑嘉颖做人肉坐垫冧陈凯琳 嗌埋少妇联盟过情人节

etin

前日情人节兼系大初三，圈中多对Couples都不约而同地晒冧猪相放闪，不过如果以量取胜嘅话，真系要数陈凯琳郑嘉颖呢一Pair，因为佢哋有心到搵埋摄影师帮手影一辑情人节靓相，2个套衫衬到绝之馀，仲左揽右挨恩爱到晕，甜到隔住Mon都Feel到。不过唔好以为佢哋得2个人过，其实同时亦系大仔郑承悦（Rafael）嘅生日，啲靓相系一早影定用嚟呃Like，阿仔个生日P先系真正戏肉，佢哋仲嗌埋“少妇联盟”嘅谭凯琪、龚嘉欣一齐过，有晒蛋糕、Cupcakes等，估唔到小朋友先系情人节主角！而“少妇联盟”亦唔系畀BB仔Occupied晒，其实谭凯琪都大晒佢同圈外富贵老公庄日宇嘅手拖手合照，深情对望冧笑晒幸福，就连自言单身嘅龚嘉欣都有花收，呢个情人节真系够晒浪漫又热闹呀。​