第3个女友？胡鸿钧认同蔡思贝了解中

etin

艺人胡鸿钧入行9年勇夺无綫《劲歌金曲颁奖典礼》“最受欢迎男歌星”奖，成为首位“巨声帮”及90后勇夺此奖的歌手，今年做埋无綫剧集《十月初五的月光》男主角的他，预测牛年运势愈战愈勇。

原来内里好贪玩

近年胡鸿钧演戏、唱歌双栖进发，9年时间不长亦不短，问到现时是否他的“黄金期”，他谓：“我希望未系，我都不断学习、成长紧，我觉得自己人生会不断丰富。”他坦言喜欢尝试、新鲜，故此不断求变：“我个人好矛盾，既锺意安稳感觉，但又怕闷，呢一刻我想有唔同嘅一面畀大家睇到，咁呢行好多姿多采，拍剧、舞台剧、跳舞，所有嘢我都想去试，咁先会成长。”说到他外表文静、斯文，内里却是一个贪玩的人，他直认说：“我不嬲性格都系咁，唔锺意长时间对住一样嘢，乜都胆粗粗去试，就算唔啱，最少我都试过。（会否经常3分钟热度？）呢个都系我嘅问题嚟，如果试咗冇兴趣我会放弃，但如果啱嘅我会不断再试。”

一凹一凸互相交流

问感情方面是否都3分钟热度，要试很多个女友时，他说：“唔系喎！我好少咋喎！我枉过咗童年同青春，只拍过2次拖，第1次系16岁读书时嘅初恋，第2次系参加《巨声2》前。（同思贝就系第3次谈恋爱？）我哋系好朋友，了解紧，大家互相喺事业上分享，佢做戏、我唱歌，会分享大家擅长范畴畀大家，佢对唱歌都好有兴趣，我自己又开始尝试喺演戏方面提升自己，大家就好似一凹一凸互相交流！”

接拍《十》剧问过思贝

思贝之前唱歌拍片放上社交网，原来她演戏与唱歌同样好，问胡鸿钧是否由他启发思贝唱歌时，他说：“唔关事，佢之前好锺意唱歌但未有咁嘅勇气，我有畀好多信心佢，我同佢讲，幻想有机会喺台上唱歌，将自己最好一面表现出嚟，佢唱歌并唔系佢想像中咁唔好，都系自信问题，亦可以透过后天练习提升。（两个会否情侣档合作吓？）我哋又冇谂喎！可能佢觉得唱歌仲系摸索阶段，不过我系好欢迎任何Crossover合作，艺术最好玩嘅就系同唔同人合作就有唔同火花。”他指思贝是一个感性的人，之前自己接拍《十》剧都有问对方意见，他说：“始终套剧21年前嘅版本好经典，佢都有畀啲好有建设性嘅意见我，系好内心嘅。”

做好自己别怨天尤人

他多年前跟许廷铿、吴业坤同时期拼过，这一行总是有起有跌，难免有所比较，现时，他与周柏豪一同夺得“男歌星”奖，问会否觉得被分一杯羹时，他谓：“呢个感觉真系一啲都冇，当时宣布奖项同冷静之后都冇，我觉得每一个努力过嘅人都值得被嘉许，付出过都系应该得到应同。（唔睇重奖项？）我渴望嘅，但我会更着紧自己嘉许系咪值得，知道自己条路、追求啲乜先系重点。（有冇曾经好担心自己行慢咗？）咁又冇喎！可能我乐观，我觉得自己行得慢一定有原因，行得快系咪又系好事呢？就算喺‘樽颈位’，我会Focus自己多啲，我好少怨天尤人，我最迷惘时系作品、工作数量唔多，我会问自己做紧乜呢？但又咁讲，正正喺迷惘期先会认真谂嘢，不断学习、不断进步。呢行寿命好短，唔好好把握过咗就过咗，与其花时间怨天尤人，倒不如善用自己时间。”