艺人黄智雯与赵希洛(Candice)当年因参选港姐而熟落,升呢为好姊妹,虽然各自有另一半,但两人感情仍好到不得了。踏入牛年,厨艺了得的Candice孖住智雯下厨,起初炮制“捞起”时也有板有眼,不过之后合力制作“富贵卷”便见真章,智雯把大量馅料放于腐皮上,俨如糯米鸡般,其后眼见Candice分批把卷物落镬炸,她一度想中途插入,把馀下的卷物融入完成品中,Candice见状即场喝止,令她随即笠水败走。 事后智雯笑指平日一起出埠旅游时,大多由Candice下厨,自己仅需饭来张口:“佢好识照顾人,对食又有要求,亦清楚我饮食习惯,所以多数都系佢搞,我就冇咩耐性,咪教番佢用气炸锅。(平时有冇煮畀男友食?)都有,其实心意都好重要,佢应该冇投诉。”
想李施嬅带闯荷里活 谈到与男友拍拖多年,智雯坦言正朝结婚方向,男友亦已成为家人一部分,所以仅欠一纸婚书:“传统嘢屋企人冇畀压力,不过到时未必大排筵席,人马座好随心,最重要系佢对我同家人都好好。(去外国结婚?)喺外国感觉开心啲,到时结咗婚应该呃唔到大家。”而一直低调感情事的Candice,则幻想另一半于巴黎铁塔下求婚。 工作方面,智雯将蓄势待发迎接新突破,更卖关子说:“除咗拍剧,仲会有同音乐有关嘅计划,但要睇疫情嘅变化而定。”Candice则表示想参与音乐舞台剧及电影,还想冲出香港:“以前喺学校玩舞台剧用英文讲,希望有机会尝试吓接触外国嘅制作,唔知李施嬅可唔可以带我入荷里活呢?”​
|