|
大年初三适逢情人节，好多圈中情侣都攞正牌放闪晒恩爱。“大美人”李嘉欣同老公许晋亨结婚12年，感情十分恩爱，佢喺社交网晒出甜蜜合照，并祝天下间有情人终成眷属、甜甜蜜蜜！早前宣布双喜临门、即将下嫁麦秋成嘅汤怡，晒出新嘅搞怪婚纱照，两人一齐手持炸鸡，更互咬一边争一块鸡皮，志趣相投！佢仲笑言：“爱在蜜园，一切从炸鸡开始，食炸鸡，一定要食埋鸡皮！#你食炸鸡我食鸡皮#我食炸鸡同所有鸡皮”“绝世好爸”古巨基（基仔）去年荣升爸爸，呢日都大晒一家三口饼印全家福，佢哋一致地笑到见牙唔见眼，非常温馨。基仔留言：“三口子一致的笑容，无价！这个笑容，给我无穷无尽的力量。2月14情人节快乐❤能有妳和Kuson真好❤”
佗紧BB嘅余香凝正式公开老公陆政渡（Tim）个样，之前佢结婚时曾晒出婚礼片，但全程都唔能够清洁见到Tim个样，只系临尾全样出现2秒。名媛诸葛紫岐（Marie）为薛嘉麟诞下两个宝贝仔Arthur及Andersen，不过Marie都好识增添夫妇生活情趣。佢上载一张打扮成美少女战士嘅相，老公则公主抱起佢，Sweet到爆！陆浩明（6号）与模特儿女友陈诗欣（Ayan）拍拖8年，经常糖黐豆咁难舍难离，呢对小情侣认真冤气！今日6号话女友叫佢眯埋眼，并送上礼物，见到6号满脸唇印，再睇埋佢个样就知对呢份礼物有几满意啦！女神舒淇与老公冯德伦一向爱得低调，今日佢一如以往，宁愿晒出与好友林熙蕾旧相，都唔肯晒夫妻合照。佢仲叫好友做“老婆”：“亲爱的老婆 感恩相遇相识相知二十多年❤️情人节快乐🌹 未来继续相爱”​
| 
窥视卡
雷达卡
发表于 2021-2-14 18:45:02
提升卡
置顶卡
沉默卡
喧嚣卡
变色卡
千斤顶
照妖镜