【第1年抱B过年】林峯罗力威齐齐晒幸福

etin

艺人林峯去年荣升爸爸，太太张馨月为佢诞下一女，今年系佢哋同囡囡第一年过新年，张馨月就喺社交网晒一家三口全家福，并留言：“祝大家新年快乐，身体健康，一发不可收拾。”见佢哋两公婆情侣装上阵，同样着上粉蓝色衫衬到绝，而囡囡就红当当兼戴住黄色发带抢晒镜，不过其样貌就继续用公仔图案遮住，暂未曝光。另边厢，同样第一年同小朋友过年嘅仲有雨侨及老公罗力威，佢晒出一家三口合照，表示：“各位新年快乐！万事如意，身体健康！”见囡囡着上桃红色大衣，再配埋花花头饰，非常可爱。​