同居试婚搞唔掂？阮儿宣布同卫志豪分手

etin

无綫咪神阮儿跟大13岁的卫志豪拍拖近3年感情稳定，更进展到同居试婚阶段，昨日她出席开张活动时自爆已分手，现忙于搬离爱巢，新一年展开1人生活！

阮儿在受访期间，每当记者谈起卫志豪都支吾以对，又显得不自在，追问之下才承认甩拖，将单身过情人节：“新年、情人节都系工作，同要搬屋。（突然有呢个转变？）都一段时间嘅。（之前唔系好稳定？）都好耐之前啦，哈哈！（有第3者介入？）冇嘅，和平分手，将来嘅嘢唔知，但暂时真系要冷静吓先，依家都习惯1个人生活，我有好多朋友，同埋又有好多工作。”问到新年会否买桃花旺一旺？她即哈哈大笑：“买1棵唔够喎！我谂我要买10棵先得！（好想有新恋情？）都系关人缘嘅，希望所有嘢都好！”

目前寄情于工作疗情伤的她，透露3月会拍摄无綫新剧《十八年后的终极告白2.0》，剧中将跟谭凯琪有段“SheShe”恋，她说：“之前都演过1次，公司觉得几好就嚟多次，今次仲系谭凯琪产后复出嘅第1套剧。（有亲热戏份？）唔知，应该冇嘅，但我希望有！（唔介意锡女仔？）男、女都唔介意，完全唔抗拒，读书嗰阵身边有好多朋友都系同性恋，私下玩都有锡过女仔。”续谓角色有少少变态，更扬言难保拍完都会变“SheShe”！​