【准妈妈的日常】余香凝除罩行山Vs汤怡自家制面包

etin

娱乐圈喜事连连，唔少女艺人都即将生牛年BB，不过疫情下各位孕妇都要特别小心，惟有用唔同方法打发时间。

现年33岁嘅汤怡上月宣布与排舞师麦秋成闪婚兼怀孕，双喜临门，现时佢喺屋企专心养胎，佢就自爆突然想食面包，仲自己落手落脚整，好多网民见到佢个爱心面包成品后，大赞佢入得厨房、出得厅堂，仲话麦秋成真系好幸福！

另一边厢，去年圣诞节宣布佗B嘅余香凝，估计现时怀有约5个月身孕，昨日佢无惧疫情，行山吸收新鲜空气，上到山顶时见四周无人时仲兴奋除罩，佢留言：“同BB一齐吸收吓阳光。”有网民见佢肚尖尖猜测系佗紧B仔添。​