艺人爆社交软件趣事 苏皓儿用呢招沟仔

etin

最近掀起社交软件转会潮，唔少人都转用新嘅社交软件，一众艺人过往都有唔少使用社交软件嘅趣事，好似用MSN结识陌生人、WhatsApp Send错Group等，同大家分享吓啦！

苏皓儿：“我记得中学时玩MSN会离线状态，扮冇开，但如果见到心仪嘅男仔，我就会即刻上线，扮大家好有缘分咁，然后就开始对话，不过我哋最后都冇一齐，因为呢招可能大家都用，所以唔系好Work！”

龚嘉欣：“试过传错相去唔同嘅Group度啰，因为之前冇删除讯息同图片功能嘛，好多时好多人同一时间传讯息畀我，啲讯息一弹出嚟，我就会唔小心按错咗入去，通常我传错咗都发现唔到，直至对方再覆我先知道。试过原本传啲素颜食早餐嘅相畀屋企人睇，点知传错咗去剧集嘅演员Group度。不过我都唔介意嘅，因为公司同事都见过我素颜㗎啦。依家有咗删除功能，都可以放心啲。”

​

吴沚默：“我曾经试传错Group，好尴尬，嗰次系因为有个出版社嘅同事，我已经同佢讲咗好多次，啲嘢唔系咁写，但佢依然写错，搞到我好忟憎，同佢讲点解会写成咁，系咪理解能力有问题，点知之后有同事打畀我，话我传咗去老板Group度，但我嗰阵已经删除唔到，只好打番畀老板解释番，唔系话佢。”

卫诗：“好耐以前玩Social Media可以同好多人倾偈，记得试过有次有个男仔撩我倾偈，我同佢倾咗几分钟，之后佢想即刻同我见面，但佢喺美国，我喺香港，所以就见唔到，我好惊，可能佢系变态佬，觉得佢好心急！”