罗仲谦慈父上身做凑女公 网友放错重点落呢度！

etin

艺人杨怡自从生咗BB“小珍珠”罗翊心（Hera）之后，专心喺屋企凑女，老公罗仲谦博命做嘢搵奶粉钱，昨日难得放假，享受家庭乐，佢即时喺社交网上载抱囡囡嘅相，小珍珠好精灵得意，罗仲谦一副慈父冧样望住囡囡，佢留言：“今日放假，边度都唔去留喺屋企凑女。大家有无紧贴《木棘证人》呢？听讲剧集口碑都不错，多谢大家支持。”原本好和谐嘅一张父女相，竟然被罗仲谦嘅麒麟臂抢晒风头，唔少网民焦点落喺佢手臂上，“你个手臂有冇BB嘅两倍size?”、“爸爸手臂粗过小珍珠个身”，当然仲有不少网民赞小珍珠又靓又得意，“饼印一样似足爸爸，又多一个靓女星二代”。​