港姐冠军谢嘉怡做骚频食螺丝 疑似爆粗！

etin

港姐冠军谢嘉怡出席慈善活动，有份负责开场部分的她突然“食螺丝”，作呼吁时未能一气呵成，网民更发现她发牌气，冲口而出讲：“FXXK！”随即成为热话，更直指她EQ低！

事后她偕同陈桢怡和郭柏妍齐齐受访，对于被指是“粗口港姐”，她无奈澄清：“其实嗰段口号好长，本来我都背得好熟，点知临场好紧张，我系想讲‘服务更加多有需要嘅人！’讲完个服字我就讲唔到落去，所以嗰个唔系英文粗口，而系一个中文字，平时我都好斯文，好少会讲呢啲嘢！”她又表示下次会做得更加好，记者着她找广东话老师恶补一下，她即谓：“想，但需要少少时间。”

另外，谈到自己砌新居家俬，谢嘉怡表示大部分手作已经完成，本星期已入住，又透露：“源斐然个妹专登喺苏格兰飞返嚟陪我住两个月先，再等我父母嚟香港陪我，佢真系好锡我呢个表姐。”至于今晚她穿“气球晚装”行catwalk，她直言感觉好玩兼新鲜：“都有担心啲气球会烂，所以着晒打底裤及衫，不过负责人话啲气球系坐唔烂嘅。”

至于陈桢怡早前拍摄一个水上节目，结果被指眼细跌watt“现真身”，美貌全凭化妆技术。她说：“嗰日系对住个太阳拍摄，晒到睁唔开眼睛，加上我带咗隐形眼镜，但又入咗海水，好辛苦，咁我本身真系单眼皮嘅。”