廖慧仪举V懒理分手传闻 网民爆料未婚怀孕

etin

“狂野空姐”廖慧仪被指挞着《#后生仔倾吓偈》嘅KOL孔德贤（Danny），卷入三角恋，圈外男友Sam嬲爆网上公开“警告”Danny唔好再搵自己女友，廖慧仪当时以“饮醉酒”为男友解围，又称二人仍交往中。点知事隔十日，Sam突然发文自爆被狠飞，虽然至今廖慧仪仍未作出回应，但佢似乎未受负面新闻影响，相约好姊妹聚会谈天，仲举V开心晒合照，可见心情不俗。正所谓人红多是非，廖慧仪瞬间成为网民攻击对象，有网友用Danny名义开设帐户，并模仿佢嗌廖慧仪做“Bae（宝贝）”，并约喺当日男方做柴可夫接女方上车嘅地方等，亦有网友喺Sam社交网爆料指廖慧仪未婚怀孕，唔通好似余香凝一样爆出闪婚？而前日Danny出席活动时被问到与廖慧仪关系，佢以朋友及同事关系形容，并斩钉截铁指冇追求对方嘅意思。联络上廖慧仪，她否认怀孕传闻，表示：“无咁嘅事，谢谢关心。”​