歌手薛凱琪(Fiona)拍攝全新國語大碟封套,接受訪問時,Fiona透露對上一次推出國語大碟已經是九年前,而今次就以一個愛情故事的概念去串聯整個專輯。
Fiona指構思拍攝封套的時候,因為覺得愛情最感動自己是最簡單的事,所以就選擇以樸素的形象拍攝。其後,她表示用了足足4年錄音,除了因為要跟監製方大同夾假,之前更失聲,她謂:「開咗紅館演唱會之後,失咗聲年半,醫生叫我戒做訪問同埋唱歌一年,但自己曳,覺得把聲好少少又走去錄音,但係呢啲我冇講畀大家聽,因為想將最好嘅Fiona呈現畀大家睇。」
至於問到新專輯是否今年會推出,Fiona笑言希望可以12月中推出,更想專輯入面一半的歌都會由自己執導拍攝MV,但是她現在要開始拍劇,所以好感激劇組給自己請假。
|