夏雨監製嘅新戲《救殭清道夫》，今日喺西貢開鏡拍攝。

由夏雨監製新戲《救殭清道夫》，今日喺西貢開鏡拍攝，演員包括錢小豪、吳耀漢、蔡瀚億（Babyjohn）、趙學而同馬來西亞演員林明禎等出席開鏡儀式。夏雨話《救》片講述食環署有秘密部門專責捉殭屍，斥資8位數字拍攝，雖然係小本製作，但面對題材未能進入內地巿場，只可以努力經營賣埠巿場。

馬來西亞演員林明禎首次參與港片拍攝，佢話：「我在戲中沒有對白，因為當殭屍不能說話，只能用表情說話，是項很大挑戰。」林明禎仲話喺戲中或會有性感演出，同Babyjohn喺戲中有感情發展，佢話唔擔心對方太太呷醋：「我們都是專業演員，以導演的要求去演戲。」問到佢同Babyjohn喺戲入面嘅親熱情度？林明禎就大賣關子話：「拭目以待。」