张智霖黑化成魔 向吴卓羲下毒手
由张智霖、吴卓羲、张曦雯及高海宁主演的无綫台庆剧《璀璨之城》于翡翠台首播，20集故事聚焦豪门家族权力斗争与兄弟反目，高潮迭起。张智霖形容今次角色恍如魔鬼，连自己都深受震撼，而张曦雯同样“坏事做尽”，齐齐以黑化抢焦，引起观众热议。《璀璨之城》成为今年无綫台庆剧头炮，云集好戏之人包括张智霖（Chilam）、吴卓羲（Ron）、张曦雯（Kelly）及高海宁（高Ling）等倾力演出。早前释出的预告片中已窥见Chilam为争夺大权而黑化，利用与“检控官”高Ling的婚姻对付胞弟Ron，更试图将对方推落山！与此同时，高Ling与Kelly本为闺密，但Kelly因贪图豪门名利，横刀夺爱嫁给高Ling男友Ron，高Ling最后又成了Ron的大嫂，两女顿变妯娌宿敌，剧情高潮迭起，追看性十足。入行逾30年的Chilam首次饰演彻底的腹黑奸角，他形容戏中的自己等同魔鬼：“佢愈踩愈深，令身边所有人，尤其张曦雯、高海宁同陈滢都陷入崩溃状态。未见过自己某些演绎，都被震撼到！”不过他直言对进组没有半分犹豫：“正所谓不破不立，身为演员系唔可以永远喺同一个套路，坦白讲今次我喺角色心理建设上落咗唔少心机。”以往Chilam未曾一口气追看完自己整部剧集演出，但今次破例先睹为快：“睇完觉得都算合格。（有信心攞奖？）哗！完全冇谂，我接演系基于一种满足感，同奖项完全冇关，只希望今次角色有血有肉，观众们会爱佢、可怜佢。”Ron与Chilam继《冲上云霄II》后再续前缘，Ron当初闻得对方参演，二话不说便答应下来：“想睇吓今次我哋有冇新火花，觉得会系件好好玩嘅事。”
今次他与Chilam上演兄弟阋墙，但原来亦算冇情有义﹕“我哋两个同父异母，但去到最后嗰步，Chilam会畀条路我拣。好记得有场戏讲我哋发生推撞，佢系阿哥我都打唔落手，只系用尽方法令佢改邪归正。嗰场戏要一Shot落，对白要好顺，我哋足足拍咗3、4个钟，真系物有所值嘅。”Ron又大赞Chilam：“佢好有头脑同创作力，无论综艺大湾仔身份或剧集，佢都系我哋嘅军师，畀好多意见等大家撞出火花，今次合作好开心。”除了Chilam“疯狂黑化”外，Kelly亦自爆：“最难忘系首次同监制陈维冠合作，佢就畀咗个咁有挑战性嘅角色我，反派之馀坏事做尽，佢畀咗好多信心我展现出另一面畀观众睇。今次先后去港珠澳开工，仲要同Chilam及Ron有咁多对手戏，佢哋又好耐冇喺无綫拍剧，机会好难得。”而饰演检控官的高Ling本身坚守道德底线，嫁入豪门后却面临冲击：“全屋人都冇感情可言，每每做嘢受压兼受气，加上我同其他3位主角有好复杂嘅感情拉扯，我仲会为Chilam做一啲我其实唔愿意做嘅事，名副其实畀人捏住条颈。”她指最难忘是每个角色都各怀鬼胎：“每场戏都感受到有一百个眼神喺度飞嚟飞去，我演绎上放几多、收几多都有难度，好有挑战性但好玩。”
至于扮演集团主脑的姜大卫，一直视“儿子”Chilam及Ron如操控物，与“虎毒不吃儿”唱反调，令戏味更加浓郁。Chilam今次出动大批私伙西装配合演出，与他有海量对手戏的陈滢则破格染了一头金发，她说：“我想个角色外形特别啲，畀人感觉高冷兼好有距离感，但其实佢系为爱先去挑战人性同道德底线，大家不妨拭目以待。”陈滢笑指首次与Chilam斗戏，有点担心及怯场，但合作后觉得非常舒服：“最难忘系剧情去到尾段，我同美仪姐（江美仪）对手戏好多，有场戏我哋仲要有少少打斗，拍得好满足，两个女人打交喎，哈哈！”至于江美仪今次饰演姜大卫的太太，她笑言：“我最大心理关口系要饰演Ron阿妈，我大佢几年咋，不过监制话造型会帮到我。”
江美仪在剧中因知道丈夫的秘密而被困到有精神病，她苏醒后爱子心切，决定帮Ron争回应得的东西，与Chilam誓不两立：“听完古仔我觉得好难，监制就回我：‘唔难点解要搵你？’今次开工好似朋友聚旧咁，个个我都熟，尤其陈滢状态好好，每日喺片场好似时装表演咁。”作为特邀演出的陈炜虽然戏份不多，但角色起了关键作用，她于集团具有影响力，随时左右Chilam与Ron兄弟阋墙的结局：“佢哋各自想保住自己嘅利益，当我有痛脚被佢哋揸住嘅时候，都出现左摇右摆嘅情况，唔知点算好。”陈晓华于剧中是惨情人物，除了跟Kelly有不少对抗戏份外，还与Chilam上演大胆亲密场口，挑战甚大。
页:
[1]