“百万富翁”陈启泰罕揭失踪真相 自爆患重度抑鬱一度想寻死
“亚视一哥”陈启泰主持《百万富翁》深入民心，近年主力内地发展的他鲜有在港露面，更曾一度几乎消声匿迹，只在去年与袁文杰敍旧时，惊见衰老走样，但今年初他重新活跃为电影宣传时成功回春，近日他更激罕剖白失踪真相，原来患重度抑鬱，陷入人生低潮期。他近日接受节目访问，罕有谈及家族有抑鬱遗传，疫情期间因停工导致发病：“我妈妈后生失眠、抑鬱都好严重。我本身都有抑鬱，失眠咗好多年，疫情嗰几年冇嘢做，香港啱啱又冇嘢拍，本来谂住拍完嘢就戒安眠药，点知戒唔到，我知道系有啲嘢，最惨COVID又啱啱开始，惊出去睇医生，中咗招要去隔离，如果我去咗隔离，你畀一罐安眠药都冇用，因为我都瞓唔到，一定发癫，一定癫晒。”他续指因讳疾忌医令病情愈发严重：“个人情绪低落啦、抑鬱啦、惊恐啦”，更坦言曾有轻生念头：“嗰阵我住20楼，成日经常望出去，‘哗！’咁样走返嚟，但系冇冲动，我冇谂跳楼，只系突然间如果系世界末日，我拖住老婆一齐走都几幸福”，幸好得太太立即放下所有工作，全天候24小时在旁陪伴渡过困境。而他最后亦选择求诊精神科医生：“睇咗开始慢慢有转机，精神病好番好多，呢个系我人生最最最痛苦嘅阶段，我由170几磅，跌到150多磅，后嚟食咗医生啲药，去到210几磅，但呢啲系无止境，愈食愈冇效。其实喺一年前我仲未有戒药，一路食紧精神科医生嘅药，每晚食六、七粒，朝早食两、三粒，一定要食咗先瞓到，唔系会惊慌”，间接解释去年被指走样原来是药物引致。陈启泰表示辗转求医，甚至用另类疗法都未见成效，最终靠排毒疗程令情况好转：“喺大半年前开始戒咗好多药，只需要食保健品已经可以瞓到，叫做拎返个健康，不过仲有4成可以进步，如果大家系过来人，千祈唔好惊，回复健康嘅道路系好困难。”其实陈启泰除亚视节目及剧集外，最令人印象深刻的，就是曾经分享饮尿治病心得，他引述《本草纲目》指饮尿是最正统的主流中医疗法，并指虽然饮尿并非万能，但曾帮助他的姑姐风湿病10几年都没发作，不过就未有回应本人有否尝试该疗法。
页:
[1]