佘诗曼破纪录4度封后 黄宗泽膺双料视帝
无綫《万千星辉颁奖典礼2025》昨晚于澳门举行，今年战况相当激烈，结果黄宗泽及佘诗曼双双“一炮双响”，获颁“最佳男、女主角”及“大湾区最喜爱男、女主角”。《新闻女王2》成为“最佳剧集”，全晚包揽共9个大奖，成为大赢家。颁奖礼尾声宣布曾志伟获颁“万千光辉荣誉传奇大奖”，之后他指自己“江郎才尽退下来”，宣布卸任TVB总经理之职。昨晚颁奖礼吸引近百艺人包括陈豪、马国明、罗子溢、佘诗曼、王敏奕及李施嬅等悉心打扮亮相，大批粉丝则于会场门外追星呐喊，场面墟冚。红地毡上，身为视帝大热的罗子溢展示一对子女送给他的自绘打气卡作“护身符”，可惜仍败给《新闻女王2》的黄宗泽（Bosco）。Bosco得知得奖一刻泪流满脸：“因为攞咗大湾区奖，我以为自己冇得再上嚟，头先讲嘢讲到乱晒。多谢主席许涛喺依家拍戏咁困难嘅时候，都畀咁多资源去支持制作。我觉得自己系个好幸运嘅人，遇到好多好好嘅前辈，多谢大家一路以嚟咁锡我，原来真系会喊㗎！”阿佘击败劲敌宣萱勇夺“最佳女主角”，创纪录4度封后，公布赛果一刻全场欢呼声不绝。阿佘上台忍不住眼湿湿：“今晚将会系我人生最记得嘅夜晚，多谢大家出现喺呢个咁靓嘅画面。上次攞奖我觉得系自己攞嘅，但今次系Man姐攞，我成为咗呢个角色，带住精彩嘅剧情同观众产生共鸣，我好锺意你，文慧心！好多谢我妈咪咁坚强同乐观咁去面对佢依家嘅情况，亦好多谢我细佬照顾得妈咪好好，令我可以放心追梦。历史系人类创造出嚟嘅，今日我做到，台下每位唔放弃，都可以成为下一个历史。”其后锺澍佳率领《新闻女王2》制作团队上台领取“最佳剧集”。另外，颁奖礼开始不久，大会颁发“大湾区”系列奖项，同样由主演《新闻女王2》的Bosco与阿佘称帝封后，两人不约而同再次夺得“大湾区最喜爱TVB男、女主角”。
Bosco领奖后上台开心表示：“原来个脑真系会一片空白！多谢无綫，呢个系我长大嘅地方，系TVB培育我出嚟，冇无綫就冇黄宗泽！当然我要多谢《新闻女王2》台前幕后嘅兄弟姊妹，多谢你哋畀我闹！当然我都要多谢我阿妈，唔系佢使我钱、我要继续拍剧，就唔会遇到咁好嘅剧本。”最后抛下一句“留番畀阿佘讲”似神预言，嘉宾周柏豪及黄浩然随即宣布阿佘获得“大湾区视后”。阿佘致谢词时不禁谓：“冇谂过咁快有机会企番上呢个颁奖台，多谢支持《新闻女王》嘅每一个你，唔系你哋唔会有《新闻女王2》诞生，亦冇机会重遇Man姐呢个咁可爱嘅角色。总之好开心啦，希望港剧可以喺唔同地域继续发扬光大，继续发挥港剧精神，为香港争光。”博得全场掌声，“大湾区最喜爱TVB剧集”由《新闻女王2》夺得，而该剧全晚夺9个大奖，成为大赢家。
页:
[1]