袁咏仪东莞交流场面墟冚 素颜生图流出网民错重点
艺人袁咏仪（靓靓）同老公张智霖近年喺内地发展不俗，参与唔少综艺同广告商演，人气高企，佢日前返乡下东莞交流，顺道到袁氏宗祠祭祖，又去咗行东莞老街，所到之处吸引大批途人围观，场面墟冚！素颜上阵嘅靓靓以白色长身恤衫配牛仔裤，再加白色帆布鞋，打扮朴素，不过有眼利嘅网友就错重点，睇到佢依然孭住佢最爱嘅名贵手袋啰！佢沿途不停帮粉丝签名同影合照，全程笑容满面，相当亲民，有唔少网民大晒靓靓嘅生图，大赞佢零P图下都冇走样，保养得宜，状态不俗。
页:
[1]