谢霆锋公开爆肌秘诀 竟然系要食得够多？
型男谢霆锋近日忙于拍摄内地节目《令人心动的Offer》，昨日佢喺社交网晒出工作花絮，见佢拍摄造型照时，发挥Chok神本色，简单一个眼神已经电力十足。期间佢同工作人员即席玩“你问我答”，问到佢点维持爆肌身材，佢就公开秘诀，竟然要食得够多：“我是吃9块（鸡）左右，你吃不够，你怎么练都没用。”笑指如果唔吸收足够嘅蛋白质，无论点练都只会似条柴，做唔到肌肉涨大嘅效果。而问到佢平时锺意睇咩短片，佢就表示偏爱睇执屋片以及刺激听觉嘅“ASMR”，自己仲试过亲自拍片研究，即获工作人员大赞博学多才。
页:
[1]