晒中秋家庭片险泄密 张馨月惊现巨肚疑再有喜
艺人林峯现时身在长沙为节目《披荆斩棘》录影，太太张馨月同爱女“格格”虽然都身在内地，不过一家人就兵分两路，张馨月同格格就返咗娘家同家人及小朋友庆祝中秋，佢更为家人下厨做美食。爱拍Vlog嘅佢又点会错过呢个机会，见佢着上一身黑色大Tee示人，但当佢煮饭时侧身出镜，竟然见到佢小腹明显隆起，真系似足7个月孕肚咁巨型，搞到唔少网友猜测佢怀孕，仲留言狂问佢系咪再次大肚，佢即急急回复：“没怀。”其实早喺上月佢就曾晒出夜蒲相，相中佢又瘦又弗，仲刻意晒出纤细腰枝，睇嚟都只系角度问题啫。
页:
[1]