林志颖走出鬼门关 “救命恩人”收饮料大礼够夸
艺人林志颖今年7月底发生严重车祸，导致身体多处骨折，经过一个月跨过鬼门关，佢依家已经返到屋企休养，连太太都已经放下心头大石带仔仔游水，明显心情唔错。既然人冇事，林志颖嘅一班粉丝就代偶像积极感谢“救命恩人”，林志颖后援会日前就晒出感谢桃园捷运工程团队（现场施救的工地工人）嘅礼物，众人经过4日讨论同集资，由7月26日开始送出21箱饮料及24杯奶茶畀呢班英雄们，感谢佢哋不顾一切救出偶像林志颖，几10箱嘢饮一次过影相都咪话唔震撼，仲有网友大赞佢哋份礼真系够实用，一班工友一定收到晒佢哋心意。
页:
[1]