黄德斌战衣look组团踩车 队友抽筋急Call白车求救
型男黄德斌早前忙于拍摄剧集《百万同居计划》，唔少网民都表示好期待再次睇到佢嘅演出。一向注重健康嘅佢，日前就同朋友组成单车团，去咗屯门踩车。见佢同队友都着上战衣、戴晒头盔，尽显健硕好身材，睇落专业又架势！不过喺踩车嘅途中，其中一名队友突然抽筋，德斌同朋友都非常紧张，立即call白车求救。救护员到场后，即为其友人进行检查，幸好最终冇乜大碍，大概逗留咗15至20分钟后，佢哋就离开现场。不过，一向系单车发烧友嘅德斌，就被发现身骑嘅单车来自英国品牌，售价约港币2万元，认真揼本。
页:
[1]