何雁诗生完7日赶住瘦 自拍瑜伽片肚皮下坠都唔理
歌手何雁诗本月1日为老公郑俊弘诞下爱子Asher，估唔到平时爱贪靓嘅佢，未有乖乖坐月固本培元，反面系急急要收身，仲拍片教一众新手妈妈点样够做瑜伽舒缓凑B同佗B之苦，仲顺便自爆依家喂紧人奶，又讲到明每日都会抽30分钟做运动，不过动作多数系以拉筋为主，未见有剧烈运动，昨日（9日）佢更加已经出咗门口，影住自己行路嘅片。虽然佢都系想帮大家点瘦，但佢都有讲要量力而为，搞到有唔少妈妈都好奇佢系点样做到生完一周就咁大动作，仲叫佢要慢慢做，尤其见到佢肚皮仍然胀卜卜，怕佢周身郁会影响复原。
页:
[1]