海景酒店房玩白Tee居家Look 张曦雯被喂足3餐爽爆
艺人张曦雯之前同男友去咗美国出席好友婚礼兼度假，开心玩完之后，原来佢近日已经番咗香港，依家就喺酒店隔离紧，日前佢喺社交平台上载几张靓相，见到佢房间对住大海景，而隔离紧嘅佢虽然淡妆上阵同身穿简单短白Tee居家服，但都依然容光焕发索到爆！佢话虽然要隔离21日，但唔觉得闷，反而好Enjoy，仲笑言一日可以被喂足3餐好正，嘢食又好食，而且唔需要做任何嘢，除咗做想做嘅嘢之外，所以佢依家有好多时间可以专注睇剧本，不过佢都好挂住家中嘅爱犬同爱猫，笑言依家惟有用第2只公仔代替住先！
页:
[1]