陈凯琳晒“最强蚂蚁腰” 肋骨尽现吓亲网民
前港姐冠军陈凯琳（Grace）为老公郑嘉颖诞下两子后，减产逐渐淡出幕前，专心相夫教子。Grace作为两孩之母，未有因为生完变肥师奶，得天独厚嘅佢保持昔日苗条身形，完全见唔到生过嘅痕迹，而且内里仲拥有一颗少女心。昨日（9号）佢上载多张喺维多利亚公园嘅靓相，见佢一时同白鸽共舞，一时瞓喺草地做出拱桥动作，展现悠然自得嘅表情，好享受咁，有网民话影到好似外国咁，唔知边个揸机咁高手准呢？不过，有网友将重点放咗喺Grace嗰条目测只得21吋、零赘肉嘅超级蚂蚁腰度，瘦到肋骨都现晒形，叫佢要食番多啲嘢。
页:
[1]