再为角色变身！张继聪操爆肌踢走大肚腩
艺人张继聪最近先啱啱拍完新戏，但系一样冇得抖，依家又要为下一部戏做准备，不时都要为角色增肥同减磅嘅佢，呢次佢又要收身啦！佢喺社交网晒咗喺Gym房影嘅自拍，睇到赤膊上阵嘅佢，大晒胸肌同腹肌，同之前佢有个大肚腩成强烈对比，佢留言：“究竟我要为角色变几多次身？最近又要收身…努力中，好想食甜嘢！”睇见佢又要收身，好友欧倩怡都有留言表示关心：“搞乜啊？又肥又瘦又大只！”而唔少网民都有留言同佢打气，仲嗌佢保重身体，亦有网民大赞佢个身形好Fit添！
页:
[1]