陈凯琳贴地“落区” 月台狂唱《下一站天后》
港姐靓妈陈凯琳虽然出身富贵系“铺王千金”，兼有个同样系出“豪门”嘅视帝老公郑嘉颖，但其实系圈中数一数二嘅悭妹，昨日佢到港岛区工作时，就选择搭港铁，相当贴地。唔知系咪太耐冇登台唱歌嘅关系，当佢去到天后站时就一时瘾起，即席大唱组合Twins嘅经典歌《下一站天后》，见着上黑色透视裙配闪石口罩嘅佢，于印有“天后”字样嘅墙身前又跳又唱，真系十足“天后”一样相当应景，而身为两子之母嘅佢仍童心未泯，喺无人嘅月台不停转圈表现兴奋，佢留言笑指：“下一站天后，童年回忆，妈妈疯了。”
页:
[1]