黎诺懿激嬲大肚妻 搞咩整到仔仔耳肿兼发烧？
艺人黎诺懿同太太李洁莹（Nicole）育有一子“小春鸡”，早前佢宣布太太再怀孕，一向系“爱妻号”嘅佢，依家凑仔嘅重任都落晒去佢身上，等太太可以好好咁抖吓。点知Nicole今次就喺社交网爆料，指最近带阿仔去朋友屋企玩，点知黎诺懿就畀“小春鸡”去花园摘龙眼，唔够一阵竟然阿仔变咗“猪头”，畀蚊咬到右耳肿晒，好似成只假耳仔咁，加上有轻微发烧，食咗抗敏药都仲好肿，搞到第二日要去睇医生。见到李洁莹段文字已经咁有火，唔知最后黎诺懿有冇跪玻璃赔罪呢？
页:
[1]