黄宗泽初学直立板有姿势有实际 天气差冇得出海扁晒嘴
艺人黄宗泽向来热爱水上运动，上星期端午节先见佢去玩Wakesurf（无绳滑浪），扬言要游吓龙舟水应节。昨日佢喺社交网再晒出海相片，今次唔Wakesurf改玩Stand Up Padding（直立板），佢透露最近先学识玩，留言谓：“新技能啱啱解锁。”不过对于近日天阴阴兼落骤雨，佢嘅心情同天气一样，似乎唔太高兴：“成个星期又落大雨又要开工，想点先？”咁又系，啱啱学识新活动，梗系想多啲时间操练啦！相中见佢划起直立板有姿态有实际，绝对有板有眼，睇嚟咩运动都难唔到呢位男神！
页:
[1]