etin 发表于 2021-6-19 09:15:22

为郭富城争番啖气！方媛再晒跳舞片一雪前耻

天王郭富城系舞台王者，跳舞跳到入晒血，不过佢太太方媛之前晒过自己嘅跳舞片，但就被网民狠批动作生硬，四肢唔协调，不过城城护妻要紧，大赞佢有天分。边度跌低，边度企番起身，方媛再喺个人影片频道晒跳舞片，士别三日，舞功真系进步咗好多！方媛于片中大骚小蛮腰，虽然有少少甩Beat，但四肢明显比起之前柔软好多，动作相当连贯，睇嚟真系落咗唔少苦功，网民都留言大赞佢有进步，跳得比之前好好多，佢仲回应网民：“真的吗？”凼到佢心花怒放！
页: [1]
查看完整版本: 为郭富城争番啖气！方媛再晒跳舞片一雪前耻