同张丹峰半年冇合照 洪欣揽囡囡过端午节
昨日就端午节，因为疫情关系怕人群聚集，所以就冇搞龙舟竞渡，不过都可以照食糉过节嘅，好似洪欣咁，佢就喺社交网甫同囡囡彤彤一人拎一糉嘅合照相，佢留言话：“端午节快乐”，而相中揽住囡囡嘅佢扎咗条辫，显得好少女，而7岁大嘅彤彤都长高咗好多，个样仲愈嚟愈似爸爸张丹峰。有网民就关心问彤彤：“爸爸去哪儿？”而睇番洪欣嘅社交网，发现佢哋同张丹峰“合体”已系去年12月15日嘅事，之后无论带囡囡去动物节，喺屋企整面包、仲要整蛋糕庆祝母亲节，都系得佢两母女，到底张丹峰几时先返屋企见母女呢？
页:
[1]