【老公视角】锺嘉欣电眼甜笑迷倒网民
艺人锺嘉欣婚后移居加拿大温哥华，早前返港拍摄完剧集《星空下的仁医》（前名：《儿科医生》）之后，就返去温哥华继续相夫教子，佢早前趁住冬天最尾阶段同小朋友砌雪人，昨日佢就喺社交网留言指迎接春天，仲大晒化上粉红色淡妆，到街上赏樱花嘅相。睇嚟佢呢次仲趁机会把握同老公二人世界，由老公操刀做摄影师，大玩老公视角，捕捉佢最靓嘅一面。虽然佢平时喺温哥华主要都系照顾小朋友，不过见佢对镜头冇生疏，凭住甜美笑容同电眼，迷倒一众网友，指佢散发出幸福人妻味道，期待佢快啲再拍剧。
页:
[1]