黄庭锋献萤幕初吻畀刘佩玥：有啲紧张！
艺人黄庭锋早前拍摄无綫剧集《把关者们》，今次系佢第1次拍剧有感情线，更要献出萤幕初吻，令佢事前大为紧张，幸好今次对手系曾合作过嘅刘佩玥，佢表示：“其实同刘佩玥已经好熟，因为之前喺剧集《救妻同学会》同埋《超能使者》合作过，但嗰两次佢都系做我阿嫂，所以今次感觉几唔同，再加上今次系我第1次萤幕上要锡，所以事前都同佢倾咗好多，因为我都有啲紧张，拍前都有问佢个步骤系点，要点样表达咁，之后大家有晒默契，到拍嗰一刻都嚟得几自然，本身同佢系好朋友，好多谢佢lead得我好好。”
页:
[1]