讲钱伤感情 “媒人”黎诺懿唔会入股蒙嘉慧公司
身为郑伊健同蒙嘉慧媒人的黎诺懿，对Yoyo的房地产生意表示不知情，但大赞老友犀利及有生意头脑：“佢个人好精打细算，而且同老公都好锺意日本，所以做呢个生意都唔出奇。（有冇兴趣入股？）我做生意唔会夹人，我锺意一个人做，怕因为金钱问题而冇咗个朋友，始终系两个人，一定有唔同意见，我宁愿死喺自己手上，至少心服口服！”问会否叫对方帮忙在日本买楼投资，或安排小朋友到当地升学？他说：“如果囝囝升学，应该会拣澳洲，而且我太太个大嫂系北海道人，投资都可能拣北海道，所以帮衬唔到佢（Yoyo）喇！”
页:
[1]