张曦雯公开20年前旧照 网友惊讶：吴彦祖嚟嘅？
艺人张曦雯（Kelly）喺娱圈系有名索女，近排更有新剧《踩过界II》出街入晒屋，晚晚有得见女神之馀，Kelly仲忽然“卖大包”晒出多张自己20年前嘅童年照，明显由细靓到大，10岁时已经“鬼鬼哋”，几咁Cutie！见Kelly将童年照同自己近照做对比，除咗发型、打扮唔同之外，靓样几乎冇乜点变，不过奇就奇在原来佢细细个竟然同男神吴彦祖撞晒样！唔少网友都留言高呼话似，Kelly圈中好友杨潮凯更留言话佢直头系长髪版吴彦祖，即获近500位网友揿Like，非常搞笑，睇嚟大家都好认同佢哋撞样。
页:
[1]