贺社交网追踪人数破40万 冯盈盈包到冚网民唔收货
前港姐冯盈盈因为大胆、敢言而深得网民喜爱，加上佢最近于热播剧集《反黑路人甲》担正女一，人气再度飙升，更带挈其社交平台嘅追踪人数突破40万！佢喺社交网出甫庆祝，留言多谢大家嘅支持，又晒出两张靓相“回馈”粉丝，见佢特意准备蛋糕及气球布置大搞庆祝派对，非常隆重其事。不过见盈盈只骚上半身兼以T恤包到冚，再用纸牌遮眼，令唔少网友都嫌呢辑相欠缺诚意，要求再甫性感照“找数”，亦有网友希望疫情过后，盈盈可以搞Fan meeting同粉丝见面。
页:
[1]