江若琳变大厨煮拉面 唔落盐够晒甜
新冠肺炎疫情影响，好多人都避免出街食饭，但系唔想成日即食面，惟有研究吓厨艺啦，短时间之内人人都变大厨。作为人妻嘅江若琳，有个做饮食业嘅老公萧唯展（Oscar），曾承诺要传承萧家嘅私房菜色，当然要努力钻研厨艺啦！江若琳呢次入厨整西班牙红虾豚肉拉面畀老公食，唔单止虾够晒大只，望落个样都似模似样，好似餐厅水准，佢喺社交网留言：“近排见好多朋友仔都变成大厨，我都试吓整啲好嘢畀先生食，今晚有，西班牙红虾豚肉拉面！拎虾头虾壳系咁滚系咁滚，落啲豚肉片加拉面，最后一粒盐都冇落，鲜甜到晕！”
页:
[1]