Anonymous 发表于 2018-2-14 19:26:49

胡定欣情人節有花收　唔通有拖拍？

視后胡定欣嘅感情生活一直備受關注，堅稱未有拍拖嘅佢，今日情人節喺社交網上載手執鮮花相片，好多網民都戥佢開心，問佢係咪已經名花有主，不過胡定欣就冇透露花係邊個送，只係留言話：「祝大家情人節快樂，我並不是第一次收花，但昨晚收花的感受令我永記在心。。。多謝您！」

另外，好友黃智雯喺社交網上載咗同胡定欣、胡蓓蔚嘅合照，原來佢哋一齊過情人節，黃智雯仲留言話：「情人節....識過一定係同姊妹s過。」咁究竟胡定欣束花係邊個送㗎呢？
页: [1]
查看完整版本: 胡定欣情人節有花收　唔通有拖拍？