Anonymous 发表于 2018-1-23 19:51:21

出爐視后人緣好　唐詩詠獲區文詩好友慶祝

藝人唐詩詠啱啱榮奪得視后寶座，咁開心嘅事，當然獲唔少好朋友同佢慶祝啦，好似同詩詠相識多年，情同姊妹嘅區文詩呢日就喺社交網上載多張同埋其他友人為詩詠慶祝嘅相，仲大讚詩詠實力不容置疑，留言表示「實至名歸 最佳女主角​​​​唐詩詠」！

相中見到佢哋去咗食西餐，佢哋仲為詩詠預備咗兩個好精緻嘅蛋糕，其中一個仲堆滿好大粒嘅士多啤梨，簡直隔住個mon都覺得好好味呀！一班好友咁有心思，難怪詩詠都笑得好開心，相信詩詠必定過咗一個難忘嘅飯局呀！
页: [1]
查看完整版本: 出爐視后人緣好　唐詩詠獲區文詩好友慶祝