艺人刘佩玥(Moon)与一众《降魔的2.0》演员派发抗疫物品,剧情讲到已变鬼的她跟父母终解开误会,好好道别,她表示自己很感动:“无论香港定其他地方,唔系咁幸运每个小朋友可以好健康,唔系每次都可以黑头人送白头人。”她有与父母一起睇此集,自己睇到喊,妈妈亦睇到眼湿湿。问到妈妈现时最大的心愿可是想睇到她结婚?她笑言:“佢从来冇催我,好多妈咪都唔想个女咁快嫁出去,我依家都想多啲时间可以陪妈咪。”
而讲到她被影到上绯闻男友周志文屋企,她笑言:“去朋友屋企由细到大都系非常正常嘅事,去玩同倾偈。(你哋孤男寡女? )绝对唔系孤男寡女,有佢爹哋妈咪喺度,其实系好正常嘅事,唔使放到咁大,我都成日去阿康(周志康)屋企玩㗎。”讲到她经常出席周志文的家庭聚会,融入家中,她笑言:“其实我个个屋企都好融入,我好入屋架嘛!”问到对方父母可喜欢她?她赞自己笑言:“我咁可爱嘅女仔,相信好多长辈锺意我,同埋可能我屋企有老人家,所以识得同比我年纪大嘅人相处,我系人见人爱嘅,哈哈。”​
|