艺人卫诗雅出席英皇电影《堕落花》首映,讲到其左脚断骨,她表示现时仍未完全康复:“所以今日都着唔到高踭鞋,但因为呢排忙做宣传,所以物理治疗要延迟,惟有自己喺屋企练动作,左边pat pat都仲系痛,希望忙埋就快啲做返物理治疗。(医生话要几耐好返?)要睇我有几乖,但其实我有啲急,如无意外七月就要开戏,系跳钢管舞,仲要用我断嗰个位嚟勾住条柱,导演话可以畀替身我,但我唔想用,所以希望快啲好番。”
讲到练钢管舞还要时间,卫诗雅笑言:“系呀,所以希望今个月好番啦,最起码要练一个月,所以都好担心。”讲到同门的蔡卓妍之前拍戏都有跳钢管舞,她表示没有请教对方:“好彩套戏系我跳得唔叻,不过有一幕就危险啲,系讲我连人带柱跌落嚟,佢哋惊我会再整亲只脚,所以会预备定替身同武指,希望拍嗰阵顺利啦。”而讲到其有份演出的ViuTV剧集《叹息桥》反应好,她表示很开心:“好多人都问我剧透,但我唔会讲,我连妈咪都唔讲,都估唔到妈咪会锺意睇呢套剧。”​
|