分手被插大话精！吴浩康反击崔碧珈

etin

吴浩康与36G咪神崔碧珈去年底分手，昔日甜蜜情侣由爱生恨，女方更以社交平台作“战场”，接连出Post寸爆旧爱，双方正式擘面！吴浩康接受独家专访时重提此事，即时爆Seed︰“佢嗰啲系诬蔑，唔系批评﹗”又谓家人睇到报道好心痛，希望女方能出面澄清一切，还他清白。

​出道18年的吴浩康（Deep）虽然歌唱实力备受肯定，但不及花边新闻“吸睛”，数到最近期跟崔碧珈的快闪一年情，女方事后连环追击，怒斥Deep“大话精”兼“扮上进”！Deep曾就分手一事公开回应，当时心平气和指事发突然，并透露“死因”是二人性格不合，意想不到呢啖“气”忍足近半年，他趁推出新歌《一切正常》，大讲受舆论压力影响，以及在意他人对自己看法，重提这道“伤疤”！

忍无可忍的Deep多次表明希望崔碧珈将“指控”一五一十说清楚，不要无中生有︰“我净系想听佢讲清楚我讲咩大话？扮咩上进？由当初到依家都唔明佢要讲咩，从来都冇呢件事，嚟嚟去去得呢几句，咁讲咩？其实对于我屋企都影响几大，佢哋睇到报道好唔开心！（被旧爱批评感难受？）佢嗰啲系诬蔑，唔系批评，批评系有发生过，佢嗰啲系讲唔到件事！想继续睇吓佢点讲。（私下仲有冇联络？）冇。”

对爱情失去信心

Deep指双方若再见面不会有特别感觉，只会当一位认识的人照常打招呼，坦言不一定要视崔碧珈为仇人，不过这情伤为他带来极大“副作用”，他坦言对爱情失去信心，三“怕”再触碰︰“我需要休息，绝对系怕！怕！怕！唔净止爱情，喺关系上都需要休息，喺啱啱段感情学习到嘅系，真系要探讨两个人嘅可能性先好去开始。（开始得好仓促？）系啩！其实我都唔知算唔算，从来唔知究竟两个人喺埋一齐，需要磨合几耐先算合适，我谂呢个世界都冇一个标准，所以唔敢去厘定，可能有啲人真系一拍即合呢！”

以后会小心识人

现阶段对Deep来说，爱情再不是首位，希望整顿自己重新出发︰“未来会小心认识、小心观察，相处吓先深入认识。（会唔会怕咗唔再公开恋情？）公唔公开系我同未来另一半嘅协议，亦关乎我同公司嘅合作，唔可以讲死。（再想拣圈中人拍拖？）冇得分，最紧要系夹唔夹，冇乜呢个执着，圈外人同圈内人其实都系咁，使唔使理解你份工作呢？咩人都一样，所以我觉得最紧要系啱，但暂时都系放慢脚步。”