无綫处境剧《爱.回家之开心速递》演“贾名媛”嘅邱芷微(Chelffy), 早前剧情话佢去咗欧游,昔别咗几个月后佢终于再“回家”:“对上一次出现喺剧中已经系一月份,当时剧情话我会去欧游,之后呢几个月成日都有网民问我去咗欧游咁耐,几时返嚟,又话好想睇我同人闹交,所以我都好开心佢哋咁支持我。” Chelffy 又指“回家”后终有机会同“细龙太”陈伟琪有对手戏,佢话终于如愿以偿:“今次系第一次同佢有对手戏,因为本身同佢私底下都会同班朋友约埋一齐食饭,啲朋友成日笑我哋角色都系咁霸道,好想睇我哋喺入面正面交锋,而今次终于有机会有对手戏,我觉得我哋都有唔少火花。”她又表示今次拍古装场面,系自己首次着清代嘅“高踭鞋”,行路时要步步为营,所以成日都行得好慢。
|