艺人林凯恩(Iris)近年机会不断,经常演乖乖女的她于剧集《降魔的2.0》中,挑战充满仇恨的角色,她直言初初接到剧本时感到很开心:“因为监制开始信任我,呢个角色系有啲妄想症、疯狂同埋仇恨,对我嚟讲系一次好大嘅挑战,亦好似一次期中试!因为呢套剧系拍完《她。她。她的少女时代》之后,考验我究竟喺《她》剧里面学咗几多嘢要攞番出嚟用,好彩做完之后,监制都话几Surprise。”
Iris于《降》剧中因爱情而变得癫丧,问到现实中有否试过为爱而狂?Iris笑说:“有!但当然冇好似个角色咁疯狂。我平时畀人感觉好开心、好正面,但其实好多时会将一啲负面情绪抑压喺心入面,试过失恋嗰阵返到屋企睇睇吓电视,突然被对白触动而喊得好犀利,妈咪都有担心我同即刻安慰我。”
提到闺蜜与“富贵男友”拍拖,有传对方曾介绍城中笋盘,Iris对此笑说:“呢个都成为咗我同佢嘅笑话!我都有问佢:‘金龟呢?唔系会介绍咩?’其实我觉得闺蜜比男友更重要,我哋相处得好舒服、好随心,一个礼拜唔见都会好挂住。(羡唔羡慕对方有个富男友?)佢开心最重要,亦唔会去羡慕。”​
|