前港姐冯盈盈系Hit爆节目《#后生仔倾吓偈》嘅铁脚主持之一,间唔时都会有爆炸式发言,睇到观众津津乐道!呢日盈盈趁录影嗰阵就大揭一个不为人知嘅“秘密”,畀大家估吓一整日录影之下,成班后生仔可以食到几多餐外卖!
答案系……文尾再开估!盈盈美食团依家正式开始,先见佢Post咗张炒粉面相,之后饮汤,然后竟然调番转头食冷盘,有生蚝、长脚蟹、虾,食完就继续食甜品!去到呢到,相信大家隔住个Mon都睇到饱,不过盈盈佢哋仲未肯“收口”,再嚟蒸海鲜,佢哋有呢个食量真系超夸张!当你以为就咁就完?少年你太年轻啦,外卖源源不尽、陆续有嚟,个个就好似金鱼咁食极都唔知饱,仲要愈食愈重口味,最后由鸡煲、打边炉接手埋尾,食到盈盈都顶唔顺大叫“饱到听日都唔使食”﹗可见成班后生仔相当擦得,加加埋埋佢哋食足七餐咁多﹗不过见盈盈身形都仍然仲系咁弗,简直系得天独厚,唔知佢之后会唔会再同大只绯闻男友郑衍峰食第八餐呢?​
|