八和会馆主席汪明荃早前带领会馆新进演员为慈善团体担任义工,上门探访基层,将抗疫物资及口罩送到劏房家庭,了解他们在疫情之下的生活情况,并借着亲身准备的小礼物,把关怀送给小朋友。
汪明荃接受访问分享探访劏房的缘起和感受︰“今次获慈善团体安排去深水埗区嘅劏房住户进行家访,有啲家庭育有手抱BB,有啲小朋友已经系学生。我好想借此深入劏房家庭,同佢哋倾下偈,了解佢哋嘅环境。(探访完有甚么感觉?)我嘅感觉系虽然佢哋嘅居住环境狭小,但生活态度好正面,我觉得很不错。”
汪明荃除了行善不遗馀力,亦希望让善心得以传承。她表示:“今次特意邀请八和会馆新进演员(吴立熙、王希㯋、林芯菱、梁心怡、黄成彬)一起家访,佢哋有啲系大学毕业生,有啲系中学生,佢哋都好愿意去感受一下基层嘅生活。我哋都好重视青年工作,做善事同充满正能量嘅活动,大家应该多加支持。”
|